Պենետիկտոս ԺԶ Սրբազան Քահանայապետին Պատգամը <<Զբօսաշրջիկութեան Հովուութեան Համաշխարհային 7րդ Վեհաժողովին>>։
<<Պայքարիլ Սեռային Զբօսաշրջիկութեան դէմ>>

Վատիկանի նախաձեռնութեամբ՝ Մէքսիքոյի Գանգուն քաղաքի մէջ 23 - 27 ապրիլ գումարուած <<Զբօսաշրջիկութեան Հովուութեան համաշխարդային 7րդ Վեհաժողովին>> առթիւ՝ Պենետիկտոս ԺԶ Սրբազան Քահանայապետը պատգամ մը ուղղած է ժողովականներուն, որուն մէջ յանձնարարած է <<Պայքարիլ Սեռային Զբօսաշրջիկութեան դէմ>> եւ <<հսկել կանխարգիլելու՝ մարդ էակներու վաճառքը։>> Գաղթականներու եւ Փախստականներու Քահանայապետական Խորհուրդի նախագահ` Անթոնիօ Մարիա Վէլիոյին ուղղած պատգամին մէջ, Սրբազան Հայրը մատնանշած է նաեւ <<արձակուրդներ ունենալու իրաւունք>> որ <<բոլոր մարդոց վերապահուած իրաւունք մը պէտք է ըլլայ>> ըսած է ան ու աւելցուցած <<յոյս կը յայտնեմ որ եկեղեցին այս ուղղութեամբ շարունակէ իր անկեղծ համագործակցութիւնը որպէսզի այս իրաւունքը ամահովուի բոլոր էակներու ու յատկապէս անբարենպաստ խումբերուն։
<<Զբօսաշրջիկութեան Հովուութեան համաշխարհային 7րդ Վեհաժողովի գլխաւոր նիւթերն են. << Զբօսաշրջիկութիւն, Հոգեւոր Զբօսաշրջիկութիւն եւ Քրիստոնեաներու Զբօսաշրջիկութիւնը՝՝։ Վեհաժողովը վերջ կը գտնէ 27 ապրիլին։